பாரும் பாரும் ஐயா எனை அன்பாகப்

எனை அன்பாகப் பாரும்

361. (323) ஆனந்தபைரவி                              ஆதி தாளம் 

பல்லவி

                   பாரும், பாரும், ஐயா,-எனை அன்பாகப்

                   பாரும், பாரும், ஐயா,-திருக்கண்கொண்டு,

அனுபல்லவி

            பாரில் மகிழ் வெல்லப் பதி மேவிய பரா,

            பாவ விமோசனா, தீவினை நாசனா, மூ வுலகாசனா, ஜீவனே ஓசனா - பாரும்

சரணங்கள்

1.         பாவநாசர் பிணையே,-பரி பூரண-மேவும் உயர் துணையே, வினையை எய்யும்

            தேவ திருக் கணையே,[1]-உலகில் உள்ள-யாவர் உனக்கிணையே!

            பூவில் இவ்வாண்டெமைப் புனிதநெறியில் காவும்,

            போதக நாயனே, மாதவ தூயனே,

                        கோதறும்[2] ஆயனே; ஆதியின் சேயனே! - பாரும்

2.         ஞாலந்தனில்[3] இருளை-அகற்றிமிகச்-சீலந்தரும் அருளே,-அடியர்கட்கனு

            கூலம் நிறைதெருளே[4],-மனுடர்களின்-கோலம் உறும் பொருளே,

            காலத்தை எண்ண மெய்க் கருத்தை எனக்களியும்;

            காரண நேசனே, ஆரண[5] வாசனே,

            பூரண ராசனே, தாரணி, ஈசனே. - பாரும்

- தேவசகாயம் எழுத்தர்

---

[1] அம்பு

[2] குற்றமற்ற

[3] பூமியில்

[4] ஞானமே

[5] வேதம்