பவுலின் சிநேகிதனைப் பாரும் இன்று

மேலும் அதிக பாடல்களுக்கு

 

 

 

 

 

 

 

90. இராகம்: ஏதுகுல காம்போதி.                                                                                தாளம்: ஆதி

 

                        பரி. பர்னபாவின் திருநாள் - சூன் 11ஆம் நாள்

 

          “உலகில் பாவப் பாரத்தால்” - என்ற மெட்டு

 

                             பல்லவி

 

          பவுலின் சிநேகிதனைப் பாரும் - இன்று

          பருனபா திருநாள்தான் வாரும்.

 

                             அனுபல்லவி

 

          கவலை யொழித்தே வேதங் கூறும் - செபம்

            கருத்தி லிருத்திப் போதந் தாரும் - ஐயா - பவுலின்

 

                             சரணங்கள்

 

1.         ஆறுத லின்மகனாம் யோசே - முன்னே

            அழைத்தா ரப்போஸ்தலரி னாசை

            தேறுதலான லேவி வம்சம் - இவர்

            சீப்புரு தீவி லொரு அம்சம் - ஐயா - பவுலின்

 

2.         விசுவாசத் தாலும் ஆவியாலம் - நிறை

            வேதிய ரொழுக் கத்தி னாலும்

            மிசனெரி ஊழிய மென்மேலும் - இவர்

            மிலான் சபைக் கண்கா ணியானாலம் - ஐயா - பவுலின்

 

3.         அந்தி யோக்கியா முத லான - பல

            அன்பின் சபைகளையும் காண

            எந்தைக் கிறிஸ்து பதம்பூண - இவர்

            எருசலை நகரெங்கும் தோண - ஐயா - பவுலின்

 

4.         சாலேமிப் பட்டணத்தில் சாக - பொல்லாச்

            சண்டாளர் கல்லா லெறிந் தேக

            காலம் ஐந்தாம் நூற்றாண்டில் தேகம் - கண்டார்

            கனத்த சீனோ ராயன்முன் வேகம் - ஐயா - பவுலின்

 

5.         பாட சாலைகளிலே தங்கும் - கல்வி

            படிக்கும் மாணவர் நீரே சிங்கம்

            பரிசுத்த ஆவி வரம் வாங்கும் - இந்தப்

            பாரினில் உங்கள் புகழ் ஓங்கும் - ஐயா - பவுலின்

 

6.         ஆஸ்தி எல்லாவற்றையும் விற்றார் - கிறிஸ்தின்

            அப்போஸ்தலர் பாதம் படைத்தார்

            நேர்த்தியான பங்கைத் தெரிந்தார் - செல்வம்

            நிலையற்ற தென்றெ நிச்சயித்தார் - ஐயா - பவுலின்

 

          - S. உவால்டர் கவிராயர், தென்மலை.

 

 

 

 

 

 

கிறிஸ்தவ பாடல் தொகுப்பு

 

PDF பாடல் புத்தகங்கள் பதிவிறக்கம்