பரிசுத்த ஜீவியம் செய்வோம் கிறிஸ்தவரே

மேலும் அதிக பாடல்களுக்கு

 

 

 

 

 

 

 

இராகம்: சுருட்டி                                    தாளம்: முறி அடந்தை

 

                             பல்லவி

 

          பரிசுத்த ஜீவியம் செய்வோம்,-கிறிஸ்தவரே;

          பரன்மறை பார்த்தொழுகுவோம்,

 

                             அனுபல்லவி

 

          திரியேக பிதாசுதன் தேவாவி அருளாலே

            வருகும் சோதனை எவையுஞ் ஜெயிக்கவே

            வளமாய் சருவாயுத வர்க்கம் தரித்துமே - பரி

 

                             சரணங்கள்

 

1.         சத்தியமாம் கச்சையதனை அரையில்-கட்டி

            சார்ந்த நீதிமார்க்க கவசமும்

            உத்தம சமாதான சுவி-சேட ஆயத்தம்

            உயர் பாதரட்சை யதுவும்

            பக்தர்கள் கேடயமாம் பலத்த விசுவாசமதும்

            பார்தலைச் சீராவாம் ரக்ஷ்ண்யமும்

            பண்பாய் திரு உரை கட்கம்[1] அணிந்துமே - பரி

 

2.         ஆவியின் கனிகள் நம்மிலே-சருவாங்கமும்

            அயலோர்கள் கண்டு தம்மிலே

            பூவில் நிறை சற்குணராக-புனிதராகிப்

            பொன்னுலகுக் கேற்றவராக

            மேவும் அன்பு சந்தோஷம் மேன்மை சமாதானமும்

            வேண்டும் நீள் பொறுமை தயை சாந்தமும்

            விளங்கும் இச்சையடக்கம் அமைந்துமே - பரி

 

 

 

 

 

 

கிறிஸ்தவ பாடல் தொகுப்பு

 

PDF பாடல் புத்தகங்கள் பதிவிறக்கம்

---

[1] வாள்