தற்பரா தயாபரா நின் தக்ஷணை

Picardy

192                                                                         15, 15, 15.

            தற்பரா தயாபரா, நின் தக்ஷணை

                        கைப்பற்றினோம்;

            பொற்பரா, நினைப் புகழ்ந்து

                        போற்றினோம் பொன் நாமமே;

            அற்புதா, அடைக்கலம் நீ,

                        ஆதரித்தனுப்புவாய்.

2.         நாவினால் நமஸ்கரித்து, நாதா

                        நினைப் பாடினோம்;

            பாவியான பாதகரைப்,

                        பார்த்திபா, கடாக்ஷித்தே

            ஆவியால் நிரப்பி எம்மை

                        ஆசீர்வதித்தருள்வாய்

3.         நின் சரீரத்தால் எம் மாம்சம்

                        நீதியாக்கப்பெற்றதே;

            மன்னவா, எம்மாசும் நீக்கி

                        மாட்சி முகம் காட்டுவை;

            கன்னலன்ன அன்பின் ஆசி,

                        கர்த்தனே விளம்புவாய்.

4.         தந்தை முகம் என்றும் காணும்

                        மைந்தன் இயேசு நாதனே,

            மந்தையாயெமை மதித்த மாசில்

                        மணி மேசியா,

            விந்தை முகம் காட்டினை நீ

                        வீழ்ந்துணைப் பணிவோமே.