Tamil Christian Songs: நேசரவர் என் நேசரவர்

02 October 2024

நேசரவர் என் நேசரவர்

நேசரிலெல்லாம் விசேஷித்தவர்

சோகடைந்தேன் நேசமதால்

இவரென் ஆத்தும நேசரே

வருவார் எனக்காய் வேகமே

1. வெண்மையும் சிகப்புமானவரே

கண்ணைக் கவர்ந்திடுபவர் அவரே

பதினாயிரங்களில் சிறந்தவரே

அதிசயமானவர் அவர் பெயரே

2. அவர் தலை முழுவதும் பொன் மயமாமே

அவர் தலை மயிர் சுருள் சுருளாமே

காகத்தின் நிறம் அவர் முடியாமே

லோகத்தின் நிறம் விளக்கவராமே

3. அவர் கண்கள் கண்ணீர் நிறைந்தவைகள்

கவரும் புறாக் கண்கள் போன்றவைகள்

பாலிலே கழுவப்பட்டவைகள்

நேர்த்தியாய் பதிக்கப்பட்டவைகள்

4. அவர் கன்னங்கள் உதடுகளாம்

மலர்களின் வாசனை வீசிடுமாம்

தங்க வளையல் போல் அவர் கரமாம்

தந்தத்தை போல் அங்கம் உடையடவராம்

5. ரூபமதில் அவர்க்கிணை அவரே

லீபனோன் மகிமை உடையவரே

கேதுரு போல் அவர் உயர்ந்தவரே

ஏதுமிலா சிறப்பானவரே

6. வார்ததை பேசிடும் வாய் மதுரமாமே

வார்த்தைகள் கிருபைகள் பொழிந்திடுமே

வார்த்தை என்பது அவர் பெயரே

வார்த்தைகளால் துதி சாற்றிடவே

7. துள்ளிக் குதித்து மலை மேட்டினிலே

வந்திடும் நேசரின் தொனியதுவே

ஆரவார சப்தம் முழங்கிக் கொண்டே

மேகத்தில் ஜோதியாய் தோன்றுவாரே

Tamil Christian Songs