நீரே என் பெலன்

நீரே என் பெலன்

நீரே என் பெலன் நீர் என் அடைக்கலம்

ஆபத்துக் காலத்தில் என் துணை

சுற்றி நின்று என்னைக் காக்கும் கன்மலை - 2

1. யாக்கோபின் தேவன் என் அடைக்கலம்

யேகோவா தேவனே என் பெலம் - 2

கலக்கமில்லை பயங்கள் இல்லை வாழ்விலே

நான் இருப்பதோ கர்த்தரின் கரத்திலே - 2 - நீரே

2. அமர்ந்திருந்து தேவனை நான் அறிகிறேன்

அவர் கரத்தின் வலிமை நிமித்தம் பார்க்கிறேன் - 2

தாய் பறவை செட்டை கொண்டு மூடியே

கண்மணி போல் என்னைப் பாதுகாக்கிறீர் - 2 - நீரே

3. பசும்புல் வெளியில் என்னைத் தினம் மேய்க்கிறீர்

அமர்ந்த தண்ணீர் ஊற்றில் தாகம் தீர்க்கிறீர் - 2

சத்துருவின் கண்கள் காண எண்ணெயால்

என் தலையை அபிஷேகம் செய்கிறீர் - 2 - நீரே

4. காலைதோறும் புதிய கிருபை தருகிறீர்

காலமெல்லாம் கருத்தாய் என்னைக் காக்கிறீர் - 2

வலப்புறம் இடப்புறம் நான் விலகினால்

வார்த்தையாலே என்னைத் திருத்தி நடத்துவீர் - 2 - நீரே

- Bro. Vincent Selvakumar

Tamil Christian Songs