சந்தோஷ விண்ணொளியே

565

                        சந்தோஷ விண்ணொளியே - இயேசு

                        சாந்த சொரூபி அவர்

                        பள்ளத்தாக்கின் லீலி சாரோனின் ரோஜா

                        பாரில் மலர்ந்துதித்தார்

1.         இன்பப் பரலோகம் துறந்தவர்

            துன்பம் சகித்திட வந்தவர்

            பாவ மனிதரை மீட்டவர்

            பலியாகவே பிறந்தார்    - சந்தோஷ

2.         பூலோக மேன்மைகள் தேடாதவர்

            பேரும் புகழும் நாடாதவர்

            ஒன்றான மெய் தேவன் இயேசுவே

            என் ஆத்ம இரட்சகரே - சந்தோஷ

3.         ஜீவன் வழி சத்தியம் எல்லாமிவர்

            தேவாதி தேவ சுதன் இவர்

            இயேசு அல்லாமல் வேறு யாருமில்லை

            இரட்சண்யம் ஈந்திடவே - சந்தோஷ

4.         ஆடம்பர வாழ்வை வெறுத்தவர்

            அண்ணல் எளிமையாய் வாழ்ந்தவர்

            எம்மைத் தம்மைப் போல மாற்றிடும்

            இயேசுவைப் பின்பற்றுவோம்     - சந்தோஷ

5.         எங்கள் சமாதான பிரபு இவர்

            இயேசு அதிசயமானவர்

            வேதம் நிறைவேறும் காலமே

            வேகம் வருகின்றாரே     - சந்தோஷ