ஆ அம்பர உம்பரமும் புகழுந்திரு

ஆதிபன் பிறந்தார்

35. (47) கரஹரப்பிரியை                                 ஆதிதாளம்

பல்லவி

                        ஆ! அம்பர உம்பர மும் புகழுந்திரு

                        ஆதிபன்[1] பிறந்தார்

அனுபல்லவி

            ஆதிபன் பிறந்தார்,-அமலாதிபன் பிறந்தார். - ஆ!

சரணங்கள்

1.         அன்பான பரனே!-அருள் மேவுங் காரணனே!-நவ

            அச்சய[2] சச்சித-ரட்சகனாகிய

            உச்சிதவரனே! - ஆ!

2.         ஆதம் பவமற,-நீதம்[3] நிறைவேற,-அன்று

            அல்லிராவினில்-தொல்லையிடையினில்

            புல்லணையிற் பிறந்தார். - ஆ!

3.         ஞானியர் தேட,-வானவர் பாட,-மிக

            நன்னய, உன்னத-பன்னரும்[4] மேசையா

            இந்நிலம் பிறந்தார். - ஆ!

4.         கோனவர் நாட, தானவர்[5] கொண்டாட-என்று

            கோத்திரர்[6] தோத்திரஞ்-சாற்றிட வே, யூத

            கோத்திரன் பிறந்தார். - ஆ!

5.         விண்ணுடு தோண,-மன்னவர் பேண,-ஏரோது,

            மைந்தனின் சிந்தையழுந்திக் கலங்கிட

            விந்தையாய்ப் பிறந்தார். - ஆ!

- யோ. யாக்கோப்பு

---

[1]. அதிபன்

[2]. கடவுள்

[3]. நீதி

[4]. சொல்லமுடியாத

[5]. அரசர்

[6]. இனத்தார்