தேவ தேவனே எகோவா

தேவ தேவனே எகோவா

9. (63) துசாவந்தி                                                    ரூபகதாளம்

பல்லவி

                   தேவ தேவனே, எகோவா,

                   வா, என் ஜீவனே.

அனுபல்லவி

            காவலர்க் குபதேசனே,- கனபாவிகட் கதிநேசனே - உயர்

            கர்த்தன் ஏக திரித்துவ ஞான மகத்துவ 

             ராஜகிறிஸ்துவாகிய     -தேவ

சரணங்கள்

 1.         அந்த[1] மேனியே,- கனம் பெரும்-அனந்த ஞானியே,

            விந்தை மானியே,[2]-சுந்தரம்-மிகுந்த தானியே,[3]

                        தந்தையர் தர, வந்தவா,-பசு

                        மந்தை யூடு பிறந்தவா,-கதி

                        தந்தவா, சொல் உவந்தவா,-மெய்

                        சிறந்தவா, விண்ணெழுந்தவா, திவ்ய - தேவ

2.         சத்திய வாசனே,- யூதர்குலத்-தவிது ராஜனே,

            நித்திய நேசனே,-அடியவர்-நிலைமை ஈசனே,

                        பத்தருக்குப காரனே,-வளர்

                        பெத்தலைக் கதிகாரனே,-வளர்

                        பாரனே, அதி தீரனே,- நல்

                        உதாரனே, பெல வீரனே, ஜெய - தேவ

3.         வான சீலனே,- மனு உரு-வான கோலனே,

            ஞான பாலனே,-அதிசய-நன்மை நூலனே,

                        பானுவே[4] மனுவேலனே,-இம்

                        மானுவேல் அனுகூலனே,-கன

                        பத்தியே தரு துத்தியமே,-நெடு

                        நித்தியமாய் வளர் வஸ்துவே ஒரு - தேவ

-வே. சாஸ்திரியார்

---

[1]. அழகு

[2]. பெருமையுள்ளவனே

[3]. இடம்பெற்றவனே

[4]. சூரியனே