புண்ணியன் இவர் யாரோ

புண்ணியன் இவர் யாரோ?

45. கேதாரகௌனம்                                        ஆதிதாளம்

பல்லவி

                   புண்ணியன் இவர் யாரோ?-வீழ்ந்து ஜெபிக்கும்

                   புருஷன் சஞ்சலம் யாதோ?

அனுபல்லவி

          தண்ணிழல் சோலையிலே சாமநடு வேளையிலே,

          மண்ணில் குப்புற வீழ்ந்து வணங்கிமன்றாடிக் கெஞ்சும்.-புண்

சரணங்கள் 

1.         வேளை நீங்காதோ வென்கிறார்;-கொடுமரண

            வேதனை யுற்றேனென்கிறார்;

            ஆளுதவியு மில்லை அடியார் துயிலுகின்றார்;

            நீளுந் துயர்க்கடலில் நீந்தித் தத்தளிக்கின்றார். - புண்

2.         பாத்திரம் நீக்கு மென்கிறார்;-பிதாவே, இந்தப்

            பாடகலாதோ வென்கிறார்;

            நேத்திரம் நீர்பொழிய நிமலன் மேனியில் ரத்தம்

            நீற்று வியர்வையாக நிலத்தில் சொட்ட மன்றாடும் - புண்

3.         என்சித்த மல்ல வென்கிறார்;-அப்பா, நின்சித்தம்

            என்றைக்குமாக வென்கிறார்;

            அன்பின் கடவுள் தமதருங் கரத்திலேயீந்த

            துன்பப் பாத்திரத்தடி வண்டலையும் பருகும். - புண்

- ல.ஈ. ஸ்தேவான்.