பவனி செல்கின்றார் ராசா

பவனி செல்கின்றார் ராஜா

42. யமுனா கல்யாணி                             ரூபக தாளம்

பல்லவி

                        பவனி செல்கின்றார் ராசா-நாம்

                        பாடிப் புகழ்வோம், நேசா!

அனுபல்லவி

                         அவனிதனிலே மறி[1]மேல் ஏறி

                        ஆனந்தம் பரமானந்தம். - பவனி

சரணங்கள்

 1.         எருசலேமின் பதியே[2] -சுரர்

            கரிசனையுள்ள நிதியே!

            அருகில் நின்ற அனைவர் போற்றும்

            அரசே, எங்கள் சிரசே! - பவனி

2.         பன்னிரண்டு சீஷர் சென்று-நின்று

            பாங்காய் வஸ்திரம் விரிக்க,

            நன்னயம்சேர் மனுவின் சேனை

            நாதம் கீதம் ஓத. - பவனி

3.         குருத்தோலைகள் பிடிக்க,-பாலர்

            கும்புகும்பாகவே நடக்க,

            பெருத்த தொனியாய் ஓசன்னாவென்று

            போற்ற மனம் தேற்ற. - பவனி

---

[1]. கழுதைக் குட்டி

[2]. மணவாளன்