சரணம் சரணம் அனந்தா-2

சரணம் சரணம் அனந்தா

50. (85) நீலாம்புரி                      திஸ்ர ஏகதாளம்

பல்லவி

            சரணம், சரணம், அனந்தா, சச்சிதானந்தா,

            தாவீதின் மைந்தா, ஓசன்னா! சரணபதந்தா.

சரணங்கள்

 1.         பித்தன் என்று வெள்ளை அரைச் சட்டை அணிந்து,

            பேதக ஏரோதே பரி காசம்பண்ணினான். - சரணம்‌

2.         கற்றூணில் சேர்த்திறுகக் கட்டி, வலுவாய்க்

            காவலன்[1] தன் சேர்வை எல்லாம் கூடி அளித்தார். - சரணம்‌

3.         முள்ளின் முடி செய்தழுத்தி, வள்ளல் எனவே,

            மூர்க்க முடனே தடிகொண் டார்க்க அடித்தார். - சரணம்‌

4.         கையினில் செங்கோலதென்று மூங்கில் ஒன்றிட்டு,

            காவலன் நீ யூதருக்கென் றோவியஞ் சொன்னார். - சரணம்

 5.        துப்பினார் முகத்தினில் அதிக்கிரமமாய்,

            துன்னிய[2] கைக்கோலை வாங்கி சென்னியில் போட்டார். - சரணம்‌

6.         முழங்காலிலே இருந்து தெண்டன் பண்ணியே,

            முன்னவனைத்தான் இறைஞ்சிக் கன்னத்தறைந்தார். - சரணம்

- வே. சாஸ்திரியார்

---

[1]. அரசன்

[2]. கெட்டியான