என்ன தியாகம்! என் கல்வாரி நாயகா!

பல்லவி

                   என்ன தியாகம்! என் கல்வாரி நாயகா!

                        என்னையும் உம்மைப்போல் மாற்றிடவோ

சரணங்கள்

1.         விண் தூதர் போற்றிடும் உம் பிதாவையும்

            விட்டிறங்கி வந்தீரே

            மாட்டுக் கொட்டிலோ வாஞ்சித்தீரைய்யா!

            மானிடர் மேல் அன்பினால்                    - என்ன

2.         ஜெனித்த நான் முதலாய் - கல்வாரியில்

            ஜீவனையும் ஈயும் வரை

            பாடுகள் உம் பங்காய்க் கண்டீரையா

            பாவியை மீட்பதற்காய்                          - என்ன

3.         தலையைச் சாய்த்திடவோ - உமக்கு ஓர்

            தலமோ எங்குமில்லை

            உம் அடிச் சுவட்டில் நான் செல்லவோ

            முன் பாதை காட்டினீரே                       - என்ன

4.         தாய் தந்தை வீடு நாடும் - இன்னும்

            தனக்குள்ளதெல்லாம் வெறுத்து

            அனுதினமும் குருசைச் சுமப்பவரல்லோ

            அப்போஸ்தலர் என்றீரே                        - என்ன

5.         பாடுகளல்லவோ உம்மை - மகிமையில்

            பூரணமாய்ச் சேர்த்ததே

            உம்மோடு நானும் பாடு சகிப்பேன்

            என் ஜீவனையும் வைத்தே                    - என்ன

6.         இன்பம் எனக்கனியேன் - என் அருமை

            இயேசுதான் என் பங்கல்லோ!

            நேசரின் பின்னே போகத்துணிந்தேன்

            பாசம் என்னில் வைத்ததால்                  - என்ன