தேவா இரக்கம் இல்லையோ இயேசு

தேவா, இரக்கம் இல்லையோ?

176. (218) செஞ்சுருட்டி                                         ஆதி தாளம்

பல்லவி

            தேவா, இரக்கம் இல்லையோ?-இயேசு

            தேவா, இரக்கம் இல்லையோ?

அனுபல்லவி

            ஜீவா, பரப்ரம[1] ஏ கோவா, திரித்துவத்தின்

            மூவாள் ஒன்றாக வந்த தாவீதின் மைந்தன், ஒரே - தேவா

சரணங்கள்

1.         எல்லாம் அறிந்த பொருளே,-எங்கள்

            இல்லாமை நீக்கும் அருளே,-கொடும்

            பொல்லா மனதுடைய கல்லான பாவிகளைக்

            கொல்லா தருள் புரியும் நல்லாயன் யேசு நாதா! - தேவா

2.         எங்கும் நிறைந்த ஜோதியே,-ஏழைப்

            பங்கில் உறைந்த நீதியே,-எங்கள்

            சங்கடமான பாவ சங்கதங்களை[2] நீக்கும்

            துங்க இஸ்ரவேலின் வங்கிஷ க்ரீடாபதி! - தேவா

3.         வேதாந்த வேத முடிவே,-ஜெக

            ஆதாரம் ஆன வடிவே,-ஐயா,

            தாதாவும் எமைப் பெற்ற மாதாவும் நீயே; யேசு

            நாதா, ரட்சியும், வேறே ஆதாரம் எமக்கில்லை. - தேவா

- வே. சாஸ்திரியார்

---

[1] பரம்பொருள்

[2] நட்புகளை