எத்தனை திரள் என் பாவம்

எளியேன்மேல் இரங்கையனே

163. (181) தன்யாசி                                                 ஆதிதாளம்

பல்லவி

                   எத்தனை திரள் என் பாவம், என் தேவனே!

                   எளியன்மேல் இரங்கையனே

அனுபல்லவி

            நித்தம் என் இருதயம் தீயதென் பரனே;

            நிலைவரம் எனில் இல்லை; நீ என் தாபரமே - எத்தனை

சரணங்கள்

1.         பந்தம் உன்மேல் எனக்கில்லை என்பேனோ?

            பணிந்திடல் ஒழிவேனோ?

            சுத்தமுறுங் கரம்கால்கள், விலாவினில்

            தோன்றுது காயங்கள், தூய சிநேகா! - எத்தனை

2.         என்றன் அநீதிகள் என் கண்கள் முனமே

            இடைவிடாதிருக்கையிலே,

            உன்றன் மிகுங் கிருபை, ஓ! மிகவும் பெரிதே

            உத்தம மனமுடையோய், எனை ஆளும்! - எத்தனை

3.         ஆயங் கொள்வோன்போல், பாவ ஸ்திரீபோல்,

            அருகிலிருந்த கள்ளன்போல்,

            நேயமாய் உன் சரண் சரண் என வணங்கினேன்;

            நீ எனக்காகவே மரித்தனை, பரனே! - எத்தனை

4.         கெட்ட மகன்போல் துட்டனாய் அலைந்தேன்,

            கெடு பஞ்சத்தால் நலிந்தேன்;

            இட்டமாய் மகன் எனப் பாத்திரன் அல னான்,

            எனை ரட்சித்திடல் உன்றன் நிமித்தமே, அப்பனே! - எத்தனை

- த. பலவேந்திரம்