பரனே திருக்கடைக்கண் பாராயோ

பரனே, திருக்கடைக்கண் பாராயோ?

177. (219) ஹரிகாம்போதி                               ஆதி தாளம்

பல்லவி

            பரனே, திருக்கடைக்கண் பாராயோ?-என்றன்

            பாவத்துயர் அனைத்தும் தீராயோ?

சரணங்கள்

1.         திறம் இலாத எனை முனியாமல்,[1]-யான்

            செய்த குற்றம் ஒன்றும் நினையாமல். - பரனே

2.         மாய வலையில் பட்டுச் சிக்காமல்,-லோக

            வாழ்வில் மயங்கி மனம் புக்காமல். - பரனே

3.         அடியேனுக் கருள் செய் இப்போது,-உன

            தடிமைக் குன்னை அன்றிக் கதி ஏது? - பரனே

4.         வஞ்சகக் கவலை கெடுத் தோட்டாயோ?-என்றன்

            மனது களிக்க வர மாட்டாயோ? - பரனே

5.         ஏசுவின் முகத்துக் காய் மாத்ரம்-எனக்

            கிரக்கம் செய்யும்; உமக்கே தோத்ரம்! - பரனே

- வே. சாஸ்திரியார்

---

[1] கோபிக்காமல்