நீயுனக்குச் சொந்தமல்லவே மீட்கப்பட்ட பாவி

நீ உனக்குச் சொந்தமல்லவே

152. (201) கமாஸ்                                          ரூபகதாளம்

பல்லவி

            நீயுனக்குச் சொந்தமல்லவே; மீட்கப்பட்ட பாவி,

            நீயுனக்குச் சொந்தமல்லவே.

அனுபல்லவி

            நீயுனக்குச் சொந்தமல்லவே,

            நிமலன் கிறிஸ்து நாதர்க்கே சொந்தம். - நீ

சரணங்கள்

1.         சிலுவைமரத்தில் தொங்கி மரித்தாரே; திருரத்தம், ரத்தம்

            திரு விலாவில் வடியுது, பாரே;

            வலிய பரிசத்தால் கொண்டாரே;

            வான மகிமை யுனக்கீவாரே. - நீ

2.         இந்த நன்றியை மறந்துபோனாயோ? யேசுவைவிட்டு

            எங்கேயாகிலும் மறைந்து திரிவாயோ?

            சந்ததமுனதிதயங் காயமும்,

            சாமி கிறிஸ்தினுடையதல்லவோ? - நீ

3.         பழைய பாவத்தாசை வருகுதோ? பசாசின்மேலே

            பட்சமுனக்குத் திரும்ப வருகுதோ?

            அழியும் நிமிஷத் தாசை காட்டியே,

            அக்கினிக் கடல் தள்ளுவானேன்? - நீ

4.         பிழைக்கினும் அவர்க்கே பிழைப்பாயே; உலகைவிட்டுப்

            பிரியினும் அவர்க்கே மரிப்பாயே,

            உழைத்து மரித்தும் உயிர்த்த நாதரின்,

            உயர் பதவியில் என்றும் நிலைப்பாய். - நீ

- தேவசகாயம் உபாத்தியாயர்