பாவி இன்றே திரும்பாயோ? நேச
இன்றே திரம்பாயோ?
151. (173) செஞ்சுருட்டி ஆதி தாளம்
பல்லவி
பாவி, இன்றே திரும்பாயோ?-நேச
ஆவியின் சத்தம் கேளாயோ?
அனுபல்லவி
மேவி தயை நிரம்பி, ஏவி உனை விரும்பிக்
கூவி அழைக்கையிலே தாவி யேசுவை நோக்கி.
- பாவி
சரணங்கள்
1. பாவம் தொடர்ந்து செல்லுமே;-பாவ
சாபம் அடர்ந்து கொல்லுமே;-உனின்ப
லாபம் எல்லாமே சாபம்; காலமிதுவே காலம்;
தாபம் உளவுன் யேசு மா பரிதாபம் கண்டு.
- பாவி
2. எத்தனை போதனை பெற்றாய்,-ஐயையோ!
சுத்தமாய்ச் சாதனை அற்றாய்,-என்றாலும்
அத்தனை பாவத்தையும் முற்றுமாக வெறுத்து,
அத்தனே, தத்தம் செய்தேன், நித்தமும் காவுமென்று.
- பாவி
3. கல்வாரியில் தொங்கினோர் யார்?-உனக்
கல்லோ நேசர் ஏங்கினோர் பார்!-இன்னும்
பொல்லா மனதுடனே கல்போல் கடினமாகிச்
செல்வோரையும் நிந்தித்து எல்லாக் கேட்டுக்குள்ளான.
- பாவி
4. நிலை யின்றலை கின்றோரே,-ரத்த
விலை மதியாமல் சென்றோரே,-போதும்;
மலையாமல் யேசுவிடம் தொலையாத கவலை சொல்லி,
உலையா, நம்பிக்கை வைத்து நிலையான ரட்சைபெற.
- பாவி
- ஜ.த. சாமுவேல்
Comments
Post a Comment