இறைவன் நீயே எளியனுக்

எளியனுக்கிரங்குவாயே

175. (217) கல்யாணி                                       ரூபகதாளம்

பல்லவி

                                    இறைவன் நீயே;-எளியனுக்

                                    கிரங்குவாயே.

அனுபல்லவி

                        மறை விளக்கி இந்நரரை மீட்க,-இம்

                        மானுவேல் எனும் நாமம் மேவியே,

                        தரையில் வந்தவ தரித்த ஏழைகள்

                        தாதா, ஏசுநாதா, என். - இறை

சரணங்கள்

1.         அண்டர்கள்[1] போற்றும் விண்ணோனே-எங்கள்

            ஆதரவாய் உற்ற கோனே,-நல்ல

            தொண்டர்களுக் கருள் புரியும் நன் மனத்

            தூயா, அன்பர் நேயா, என். - இறை

   2.      நன்று திகழ்[2] பெரியோனே-திவ்ய

            ஞானம் எனும் பெயரோனே,-இயல்

            அன்றும் இன்றும் ஒன்றுபோல உறும்

            ஐயா, ஒளிர் மெய்யா, என். - இறை

3.         எங்கும் நிறைந்த வல்லோனே,-அன்பர்க்

            கின்பு செய்கின்ற நல்லோனே,-மிக

            இங்கிதமாய்[3] உனை ஏத்தித்[4] தொழ அருள்

            ஈவாய்; க்ருபை ஆவாய்; என். - இறை

- யோ. பால்மர்

---

[1] தேவதூதர்கள்

[2] ஒளிவீசும்

[3] இனிமையாய்

[4] துதித்து