திருப் பதம் சேராமல் இருப்பேனோ

திருப்பதம் சேராமல் இருப்பேனோ?

157. செஞ்சுருட்டி                                                    ஆதி தாளம்

பல்லவி

            திருப் பதம் சேராமல் இருப்பேனோ-நான்

            தெய்வத்தைத் தேடாமல் பிழைப்பேனோ?

சரணங்கள்

1.         அருட்கடலாம் ஈசன் அடியவர் பாசன்!

            உருக்கம் நிறைந்த விண்ணுயிரான நேசன்! - திரு

2.         ஆவியும் ஆத்மமும் ஆண்டவர் பங்கே,

            பூவில் அவரல்லால் புகலிடம் எங்கே? - திரு

3.         சத்திய மார்க்கமும் சகலமுமான

            நித்திய ஜீவனும் நிமலனுமான. - திரு

4.         ஆறுதல், தேறுதல் அளித்திடும் சேயன்,

            கூறு மகிமையில் சேர்த்திடும் தூயன். - திரு

5.         உலையில் மெழுகு போல் உருகுதென் நெஞ்சம்,

            மலையாதுன் திருவடி வணங்கினேன் தஞ்சம். - திரு

- சா. பரமானந்தம்