இந்த மங்களம் செழிக்கவே

பல்லவி

          இந்த மங்களம் செழிக்கவே - கிருபை செய்யும்

            எங்கள் திரித்துவ தேவனே!

அனுபல்லவி

            சுந்தரக் கானாவின் மணப் பந்தலில் சென்றம் மணத்தைக்

            கந்தரசமாகச் செய்த விந்தை போல், இங்கேயும் வந்து. - இந்த

சரணங்கள்

1.         ஆதிதொடுத் தன்பை எடுத்தாய், மானிடா்தமை

            ஆணும் பெண்ணுமாகப் படைத்தாய்

            நீதி வரம் நாலுங்கெடுத்தாய் – பெற்றுப் பெறுகி

            நிற்க உலகத்தில் விடுத்தாய்

            மாதவா் பணியும் வேத போதனே அந்தப்படி உன்

            ஆதரவைக் கொண்டு அதன் நீதியை நம்பிப்புரிந்த                 - இந்த

2.         தக்க ஆபிராமும் விண்டனன் - அதனை மன

            துக்குள் எலியேசா் கொண்டனன்

            முக்கிய ஆரன் நிலத்தண்டினன்; - நினைத்தபடி

            சக்கிமதாகக் கண்டனன்

            பக்குவம் உரைத்திடா ரெபேக்காளும் ஈசாக்குவுக்கு

            தக்க மணவாளியாகத் தந்து தயை செய்தாற் போல.                - இந்த

3.         சத்திய வேதத்தின் வாசனே - அருளுபரி

            சுத்த சுவிசேட நேசனே

            பக்தர்கள் பவ விமோசனே - பழுதணுவும்

            அற்ற கிறிஸ்தேசுராசனே

            வெற்றியால் யாக்கோபுவுக்கு முற்றிலும் அளித்த பேறாய்ப்

            புத்திர சம்பத்துண்டாக்கி நித்ய சுபசோபனமாய்.                        - இந்த