உன்னதத்தின் ஆவியே

                   உன்னதத்தின் ஆவியே

                        உந்தன் பக்தர் உள்ளத்தில்

                        ஊற்ற வேண்டும் இந்த நாளிலே

                        உலகமெங்கும் சாட்சி நாங்களே

சரணங்கள்

1.         பெந்தெகோஸ்தே பெருவிழாவிலே

            பெருமழைபோல் ஆவி ஊற்றினீர்

            துயரமான உலகிலே, சோர்ந்துபோகும் எங்களை

            தாங்க வேண்டும் உந்தன் ஆவியால்                 - உன்னத

2.         ஆவியின் கொடைகள் வேண்டுமே

            அயல் மொழியில் துதிக்க வேண்டுமே

            ஆற்றலோடு பேசவும், அன்புகொண்டு வாழவும்

            ஆவி ஊற்றும் அன்பு தெய்வமே                         - உன்னத

3.         ஜெப தூபம் எழுப்ப வேண்டுமே

            ஜெய தொனியும் முழங்க வேண்டுமே

            இந்தியாவில் எங்குமே, சிலுவை கொடி பறக்கவே

            கிரியை செய்யும் உந்தன் ஆவியால்                  - உன்னத