உச்சித மோட்ச பட்டணம் போக

          உச்சித மோட்ச பட்டணம் போக

            ஓடி நடப்போமே- அங்கே

            உன்னத யேசு மன்னவருண்டு, ஓயா இன்பமுண்டு

1.         சித்திரச் சீயோன் பெற்றிடச் செல்லும்

            சேனையின் கூட்டமதாய் - எங்கள்

            ஜீவனினதிபர் யேசு நம்மகிபர்

            சீயோன் பதிமனுவேல்                                        - உச்சித

2.         அன்பினால் அழைப்பார், ஆறுதல் சொல்வார்

            அதிபதி யேசையர் - அங்கே

            இன்பங்களுண்டு; இயேசுவின் சமூகம்

            என்றென்றும் ஆறுதலே                         - உச்சித

3.         கீதங்களோடு இயேசுவைப் போற்றி

            கெம்பீரமாய் நடப்போம் - அங்கே

            கிளர் ஒளியுள்ள பட்டன ராஜன்

            கீதங்கள் நாம் அறைவோம்                              - உச்சித