ஐயோ என் செல்வச் சீராளச் சிகாமணியை

1.       ஐயோ என் செல்வச் சீராளச் சிகாமணியை

            சிலுவையில் மடியவிட்டு - ஓகோ

            கொடுமையாய் அடிமை நான் குவலய மீதினில்

            கூவென் றலறி நிற்கின்றேன்

2.         பாரிலுள்ள பெரியோர்களின் பெண்களும்

            பார்த்தெதிர் காத்திருந்தும் - ஓகோ

            பாவி வயிற்றினிலே பெருந்துன்ப மடைந்திடப்

            பரனே நீ வந்துதித்தாய்

3.         பெற்றதில்லையென்று பெண்கள் நகைத்தாலும்

            பேதை துயரில்லையோ - ஓகோ

            பெற்றதினால் மெத்த பெருந்துயர் வாதைகள்

            பெரிதாய் அடையலாச்சோ

4.         அன்று சம்மனசு கிருபை பெற்றவளென்றாள்

            இதுவோ கிருபை ஐயா - ஓகோ

            நன்று சிமியோனும் சொன்ன மொழிப்படி

            வந்து பலித்ததுவே

5.         மூன்றரை ஆண்டாக முக்கிய நன்மைகள்

            மிகப்பெற்ற யூதாசே - ஐயோ

            முப்பது வெள்ளிக்காய் முத்தமிட்டே பொல்லா

            மூர்க்கரைக் கூட்டி விட்டாய்

6.         ஐயோ பிலாத்துவே அநியாயத் தீர்ப்பிட்டாய்

            ஆறுமோ என் மனசு - ஓகோ

            பரபாசை அகற்றி நீ பரனைக் குருசெடுக்க

            கரமதைக் கழுவினையோ

7.         எருசலேம் வீதியில் குருசோடு சென்ற என்

            செல்வக் குமாரன் எங்கே - ஓகோ

            எருசலேம் மாதரே என் இயேசு நாதரை

            இங்கு நீர் கண்டதுண்டோ

8.         கீழ்த்திசை ராயரும் உயர்திசை சேயரும்

            சேரவே சிலுவைதனில் - ஐயோ

            பாழும் அடிமையைப் போலவே என்னேசு

            சாய்ந்துயிர் விட்டனரே