எந்தன் இயேசு கைவிடமாட்டார்

          எந்தன் இயேசு கைவிடமாட்டார்

            என்னை மறந்திட மாட்டார்

            அல்லேலுயா (2) ஆர்ப்பரிப்போமே

            அல்லேலூயா (2) அகமகிழ்வோமே

1.         நிந்தனை போராட்டத்தில்

            நேசர் என்னைத் தாங்கினார்

            சோதனை வந்த போதெல்லாம்

            தப்பிச் செல்ல வழி காட்டினார்              - அல்லேலூயா

2.         கடந்ததை மறக்கின்றேன்

            கண் முன்னால் என் இயேசுதான்

            காத்திருந்து பெலன் அடைந்து

            கழுகைப் போல் எழும்பிடுவேன்             - அல்லேலூயா

3.         ஆயிரம் துன்பம் வந்தாலும்

            அச்சம் எனக்கில்லையே

            அரணும் கோட்டையும் அவர்

            அத்தனையும் தகர்த்திடுவாரே             - அல்லேலூயா

4.         சீக்கிரம் வரப் போகின்ற

            நேசருக்காய் காத்திருப்பேன்

            எரியும் விளக்கேந்துவேன்

            இயேசுவின் பின் நடப்பேன்                   - அல்லேலூயா