பாடுவேன்
பரவசமாகுவேன்
பறந்தோடும் இன்னலே
1. அலை அலையாய் துன்பம் சூழ்ந்து
நிலை கலங்கி ஆழ்த்தையில்
அலை கடல் தடுத்து நடு வழி விடுத்து
கடத்தியே சென்ற கர்த்தனை - பாடுவேன்
2. என்று மாறும் எந்தன் துயரம்
என்றே மனமும் ஏங்கையில்
மாராவின் கசப்பை மதுரமாக்கி
மகிழ்வித்த மகிபனையே - பாடுவேன்
3. வனாந்திரமாய் வாழ்க்கை மாறி
பட்டினி சஞ்சலம் நேர்கையில்
வான மன்னாவால் ஞானமாய் போஷித்த
காணாத மன்னா இயேசுவே - பாடுவேன்
4. ஒன்றுமில்லா வெறுமை நிலையில்
உதவுவாரற்றுப் போகையில்
கன்மலை பிளந்து தண்ணீரைச் ஈந்து
தாகம் தீர்த்த தயவை - பாடுவேன்
No comments:
Post a Comment