இன்ப துன்ப நேரத்திலும் உன்

                   இன்ப துன்ப நேரத்திலும் உன்

                        அன்புள்ள இயேசுவைப் பார்

1.         இன்பத்தினால் அகமகிழ்ந்து - கிலேசத்தினால் துக்கித்து

            சிற்றின்பப் பேருலகில் - சிக்கிக் கொண்டு இருக்கும் போதும்    - இன்ப

2.         சோதனையில் பிடிபட்டு - இடுக்கணில் இருக்கும்போதும்

            சாத்தான் உனை மேற்கொள்ளும் போதும், அக்கினியாஸ்திரம் எறியும்போதும்   - இன்ப

3.         தோழரால் பகைக்கப்பட்டு - மனக்கிலேசம் அடையும்போதும்

            உலகம் உன்னை இகழ்ச்சி செய்து - தன்னிடத்தை விட்டோடும்போதும்          - இன்ப

4.         அவர் தாமே சோதிக்கப்பட்டு - பாடு நமக்காய்ப் பட்டதினால்

            அவர் சோதிக்கப்படும் நமக்கு - உதவி செய்ய வல்லவராம்        - இன்ப

5.         வறுமையினால் யாசித்து - பாடு மிகப்படும் போதும்

            சாத்தான் உன்னை பகடிபண்ணி - உன் விசுவாசத்தைக் குறைக்கும்போதும்   - இன்ப

6.         கடு நோயால் பெலன் குன்றி பெலவீனத்தால் தள்ளாடி

            ஜீவன் உனக்குக் கசப்பாகி - சாவை நீ விரும்பும் போதும்          - இன்ப

7.         பகைஞரால் கல்லெறியுண்டு - மரண நேரம் கிட்டும்போதும்

            பக்தன் ஸ்தேவானைப்போல் - தைரியமாய் உன் இயேசுவைப் பார்         - இன்ப

8.         நான் என் இயேசுவின் தரிசனத்தை நிமிஷந்தோறும் காண்கிறதால்

            நான்தான் பயப்படாதிரு என்றவர் என்னைத் தேற்றுகிறார்          - இன்ப