நான் பாடும் கானங்களால்

                        நான் பாடும் கானங்களால்

                        என் இயேசுவைப் புகழ்வேன்

                        எந்தன் ஜீவிய காலம்வரை

                        அவர் மாறாத சந்தோஷமே                  - நான்

1.         பாவ ரோகங்கள் மாற்றியே

            எந்தன் கண்ணீரைத் துடைப்பவரே

            உலகம் வெறுத்தென்னைத் தள்ள

            பாவியாம் என்னை மீட்டெடுத்தீர்                        - நான்

2.         இளமைப் பிராய வீழ்ச்சிகள் இல்லை

            யாதொரு பயமுமில்லை

            அவர் ஸ்நேக தீபத்தின் வழியில்

            தம் கரங்களால் தாங்கிடுவார்                            - நான்

3.         நல்ல போராட்டம் போராடி

            எந்தன் ஓட்டத்தை முடித்திடுவேன்

            விலையேறிய திருவசனம்

            எந்தன் பாதைக்குத் தீபமாகும்                         - நான்