வழி நடத்தும் வல்ல தேவன் வாழ்விலே நாயகனே

            வழி நடத்தும் வல்ல தேவன் வாழ்விலே நாயகனே

            வாழ்வில் நாயகனே நம் தாழ்வில் நாயகனே

1.         பரதேசப் பிரயாணிகளே நாம் வாழும் பாரினிலே

            பரமானந்தத்தோடே செல்வோம்

            பரமன் நாட்டினிற்கே - இயேசு

            பரன் தம் வீட்டினிற்கே

2.         போகும் வழியை காட்டி நல்ல போதனை செய்வார்

            ஏகும் சுத்தர் மீது கண்கள்

            இருத்தி நடத்துவார் - இயேசு

            திருத்தி நடத்துவார்

3.         அந்தகார சக்திகள் எம்மை அணுகிடாமலே

            சொந்தமான தம் ஜனத்தை

            சூழ்ந்து காப்பாரே - இயேசு

            துணையாய் நிற்பாரே

4.         வாதை நோய்கள் வன்துன்பங்கள் வருத்திய போதும்

            பாதையில் நாம் சோர்ந்திடாமல்

            பலப்படுத்திடுவார் - இயேசு

            திடப்படுத்திடுவார்

5.         காடானாலும் மேடானாலும் கடந்து சென்றிடுவோம்

            பாடானாலும் பாடி செல்வோம்

            பரவசமுடனே - இயேசு

            பரன் தான் நம்முடனே