நன்றியால் பாடிடுவோம்

                   நன்றியால் பாடிடுவோம்

                        நல்லவர் இயேசு நல்கிய எல்லா

                        நன்மைகளை நினைத்தே

சரணங்கள்

1.         செங்கடல்தனை நடுவாய்ப் பிரித்த எங்கள் தேவனின் கரமே

            தாங்கியதே இந்நாள் வரையும் தயவாய் மாதயவாய்                    - நன்றி

2.         மரணத்தை நீக்கியே ஜீவனை அருளிய - மாபெருங்கிருபை

            மாநிலத்தோர்க் கீந்தார் இயேசு சுவிசேஷ ஒளியாய்                   - நன்றி

3.         உயிர்ப்பித்தே உயத்தினார் உன்னதம் வரை உடன் சுதந்தரராயிருக்க

            கிருபையாய் ஈவாய் வரும் காலங்கள் விளங்க ஒளி விளங்க        - நன்றி

4.         அழைக்கப்பட்டோரே உன்னத அழைப்பினை அறிந்தே வந்திடுவீர்

            அளவில்லாத்திரு ஆக்கமிதனை அவனியோர்க்களிப்பீர்          - நன்றி

5.         சீயோனைப் பணிந்துமே கிறிஸ்தேசு இராஜனாய் சீக்கிரம் வருவார்

            சிந்தை வைப்போம் சந்திக்கவே இயேசுவின் முகமே                 - நன்றி