ஓ இயேசு உமதன்பு எத்தனை பெரியது

பல்லவி

                   ஓ இயேசு உமதன்பு எத்தனை பெரியது

                        ஆகாயம் பூமி மலை ஆழிகளுக்கெல்லாம் பெரியது

1.         அளவில்லா ஆனந்தத்தால் அகம் நிறைந்தது

            ஆண்டவர் காரியங்கள் அதிகம் சிறந்தது

            அன்றாடம் காலை மாலையிலும் துதிக்க உயர்ந்தது

            துதிக்க உயர்ந்தது                                                       - ஓ யேசு

2.         சங்கட சமங்களில் மங்கியே வாடுகிறேன்

            துங்கனே இறங்குமென ஏய்ங்கியே நாடுகிறேன்

            பங்கமில்லாமல் பதிலளிப்பேன் என்றதால் பாடுகிறேன்

            என்றதால் பாடுகிறேன்                                                   - ஓ யேசு

3.         இருளாம் பள்ளத்தாக்கில் மருகியே நடந்தாலும்

            அருமேந்தன் மேய்ப்பராய் அருகிலிருப்பதாலும்

            கருணையா என்னைக் கரம் பிடித்தே

            கர்த்தரே காப்பதாலும் கர்த்தரே காப்பதாலும்                 - ஓ யேசு

4.         குறைவுள்ளோனானாலும் கூடவே இருக்கிறீர்

            நிறைவாம் புல் தரைகளில் மெதுவாகவே நடத்துகிறீர்

            இறைவனாம் யேசு எல்லாவற்றிலும்

            திருப்தியாக்குகிறீர், திருப்தியாக்குகிறீர்                       - ஓ யேசு

5.         தேவனுடைய வீட்டில் சித்தப்படி துதிப்பேன்

            ஏக இருதயத்துடனே என்றுமதை மதிப்பேன்

            ஆராதிக்க அருகராம் யேசு அல்லேலூயா ஆமென்

            அல்லேலூயா ஆமென்                                                  - ஓ யேசு