உன்னத வீட்டை சீக்கிரம்

349.

பல்லவி

1.       உன்னத வீட்டை சீக்கிரம் சென்று

            அன்பரைச் சேர்ந்திடுவேன் ஆ ஆ

            இயேசு ரட்சகர் ஏழையின் வாஞ்சை

            யாவையும் தீர்த்திடுவார்

2.         தூதரின் மத்தியில் மகிழ் கொண்டாடிட

            தேவனைப் போற்றிடுவேன் ஆ ஆ

            கமிழ் வாசனை வீசும் பூக்களின் மத்தியில்

            இன்பமாய் அயர்ந்திடுவேன்

3.         வானோர்கள் பல பல ஊழியம் செய்ய

            ஏழையும் சேர்ந்துகொள்வேன் ஆ ஆ

            என் ஏசுவின் துதியை நாவினால் பாடிட

            நேசரால் அகமகிழ்வேன்

4.         பளிங்கு நதியின் ஓரங்களில் நான்

            ஓடி உலாவிடுவேன் ஆ ஆ

            பொன் வீதியில் நானும் அன்பருடனே

            கவியுடன் அடியெடுப்பேன்

5.         மிதமிஞ்சி சோதனை எதிரிட்டு வந்தாலும்

            ஒன்றுக்கும் அஞ்சமாட்டேன் ஆ ஆ

            சிங்கம் புதரினின் றேகியே எதிர்க்கினும்

            அத்தனையும் ஜெயித்திடுவேன்

6.         பறவைகள் அதிகம் விருட்சங்கள் அதிகம்

            நானும் அங்கே உண்டு ஆ ஆ

            பாராபரன் தாமே எனக்காகச் சேர்த்த

            பொருட்களும் மெத்த உண்டு

7.         பேதுரு யோவான் பவுலும் கூட

            அங்கே ஓய்ந்திருப்பார் ஆ ஆ

            என் ஏசுவின் வீட்டில் மகாபெரும் இன்பம்

            ஆ ஆ ஆனந்தம்

8.         ஆறுநாள் உலகை அழகாய் படைத்து

            ஏழினில் ஓய்ந்திருந்தார் ஆ ஆ

            ஆறுவேன் தேறுவேன் ஆர்ப்பரிப்புடனே

            அன்பரில் அகமகிழ்வேன்