எந்தன் பூமானைக் காண சிந்தை

325.

பல்லவி

                        எந்தன் பூமானைக் காண சிந்தை பெருகுதையோ

                        என்றைக்குக் காண்பேனோ! - ஓ! ஓ!

1.         சுந்தரத்தில் மிகுந்து அந்தரத்திலிருக்கும்

            எந்தன் பூமானைக் காண - அழகுடைய

            அண்ணல் இயேசுவைக் காண                          - எந்தன்

2.         விண்ணிலிருந்தவர் மண்ணின்மேல் வந்தவர்

            கன்னிகையில் பிறந்தவர் - லாசருக்காக

            கண்ணீரை விட்டழுதவர்                                 - எந்தன்

3.         இன்னும் வர என்ன தாமதம் சொல்லுமோ

            சொன்ன வாக்கை நினைத்து - அடியேனுந்தன்

            பாதம் பணிந்து வந்தேன்                                   - எந்தன்

4.         பொல்லாதோரை இரட்சிக்க வல்லபராபரன்

            என்னதுய ரடைந்தார் - அதை நினைத்தால்

            சொல்ல முடியுதில்லை                                      - எந்தன்

5.         கன்னத்தில் அடிபட்டுக் கண்ணீர் விடும்வேளை

            என்னை நினைத்தீரே நீர் - அதை நினைத்தால்

            உம்மை மறப்பேனோ? நான்                               - எந்தன்