நித்தம் அருள்செய் தயாளனே! - எங்கள்

194. செஞ்சுருட்டி       ஆதி தாளம் (144)

பல்லவி

          நித்தம் அருள்செய்  தயாளனே! - எங்கள்

            நேசா ஏசு மணாளனே! -  சுவாமி

அனுபல்லவி

            உத்தம சற்குண தேவகுமாரா உம்பர்கள் சந்ததம் போற்றும் சிங்காரா

            சத்தியவேத வினோதலங்காரா சதி செய்யும் பேய்தலை சிதைத்த சிங்காரா

சரணங்கள்

1.         பட்சப்பரமகுமாரனே எங்கள் பாவம் தீரும் மாவீரனே - சுவாமி!

            அச்சய சவந்தர ஆத்தும நாதா அடியவர் துதிசெய்யும் ஆரணவேதா

            இரட்சண்யச் சுப சுவிசேட பிரஸ்தாபா ராஜ கெம்பீர சங்கீத பொற்பாதா

2.         சென்றாண்டெமை முகம் பார்த்தவா ஒரு சேதவிக்கின மின்றி காத்தவா - ஸ்வாமி

            இன்றோர் புதுவருஷாரம்பங்கண்டோம் ஏக சந்தோஷமாய்ச் சந்தித்துக்கொண்டோம்

            குன்றாதுமதுட ஆவியை ஈந்து கூடவே இருந்தடியார் ஜெபம் கேட்டு.                          

3.         சத்தியவேதமதோங்கி வாழவே சாற்றுமேசுவின் நாமம் வாழ்கவே - எங்கள்

            உபாத்திமார் தேசிமார் குருக்களும் வாழ்க வளர்சபையோடு மாணாக்கரும் வாழ்க

            துத்திய இந்திய துரைத்தனம் வாழ்க சேயனத்தியட்சரவர்களும் வாழ்க