என் கண்ணே எனக்கென்னேரமும்

287. பியாகு                   ஆதி தாளம் (245)

பல்லவி

                   என் கண்ணே எனக்கென்னேரமும் நின் ஞாபகமே

அனுபல்லவி

                        காடு மேடு வீடு நாடோடிடு முன்னோடு தானும்

1.         உன்னாசை மிஞ்சி மனமுருகி நிதம் கெஞ்சி - குரு

            மன்னா உனைக் கொஞ்சி நானும் மகிழுகேறேன் ரஞ்சி

2.         லோகம் பகைத்தாலும் மா ஈனர் தூஷித்தாலும் - கொடும்

            நாகம் புரண்டாலும் உனின் நாட்டமே எந்நேரம்

3.         ஜீவன் முக்தி காண வகை செப்பினாயே தோண - தேவ

            பக்தி மிகப்பூண அருள்செய்வீர் நானும் காண

4.         பரமகுருமூர்த்தி உனின் பாதமே என் பூர்த்தி - ஞான

            தருமநேசன் கீர்த்தி அதன் சங்கீதத்தின் நேர்த்தி

5.         ரத்னப்பரதேசி உனின் நயந்த விசுவாசி - உன்

            சத்திய அரள் வீசி மனோ தயை செய் விசுவாசி