தேவா நீ கோபம் வைக்காதே

263. இராகம் (காலமே தேவனைத்தேடு)      (220)

பல்லவி

                   தேவா நீ கோபம் வைக்காதே - உந்தன்

                   சிறு மந்தை கண்ணோக்கி திரும்பும் இப்போதே

அனுபல்லவி

            பாவிகளானோம் உன் பாதம் தான் நீங்கி

            பட்சம் வைத்திரங்குமுன் கிருபைாயால் தாங்கி

1.         மூவுலகாளும் ஏகோவா - எங்கள்

            முன்னொனபிராம் ஈசாக் யாக்கோபின் தேவா

            ஓய்வுநாளை மீறி உன்மறை கடந்து

            பாவிகளானோம் கைவிடாதேயும் நெகிழ்ந்த

2.         இரட்சகா ரட்சியுமிந்த வேளை - எனக்

            கிரங்குமிரங்குமெனக் கெஞ்சுகிறேன் தாழ

            பட்சம் வைத்தெங்களின் பாவம் பொறையா

            பகர்ந்த உன் தீங்கை நீ தவிருமேனையா

3.         கோபம் கொள்ளேல் எங்கள் சுவாமி - நீ

            கோபம்வைத்தால் அதைத் தாங்குமோ பூமி

            ஜீவபாதை மறந்து தீங்குக்குள்ளானோம்

            பாவிகளானோம் நீ பாதுகாரையா

4.         அல்பா ஒமேகாவும் நீயே - எமை

            ஆதரிக்கும் எங்கள் அடைக்கலம் நீயே

            வல்வினை அகற்றியே மாபாவம் தீரும்

            சகலவித கெட்ட சாத்தானைப் பீறும்

5.         இரக்கத்தின் கொம்புதான் நீயே - எமை

            ரட்சிக்கும் சாலேமின் ராஜாவும் நீயே

            உருக்கமாயிரங்கி உன் மந்தையைக் காரும்

            உரைத்த தீங்ககற்ற நீர் ஜல்தியாய் வாரும்

6.         கண்ணீரை அப்பமாய் கொடாதே - எங்கள்

            கர்த்தாவே நீயதைப்பான மாயீயாதே

            அண்ணன் இசரேலை ஆதரித்தாற்போல்

            அழிவுக்குக்கோரின் நினிவைக்காத்தாற்போல்

7.         பாவிகள் மீட்பரும் நீரே - எங்கள்

            பாவமகற்ற ரத்தம் சிந்தினோர் நீரே

            தாவி உம்மந்தையை சுவாமி நீர் காரும்

            சாலேமின் ராஜாவே இவ்வேளை வாரும்