Tamil Christian Songs: விசுவாசத்தினால் நீதிமான் பிழைப்பான்

09 July 2018

விசுவாசத்தினால் நீதிமான் பிழைப்பான்

விசுவாசியே பதறாதே

கலங்காதே திகையாதே விசுவாசியே

கல்வாரி நாயகன் கைவிடாரே -2

1. கொடும் வறுமையின் உழன்றாலும்

கடும் பசியினில் வாடினாலும்

அன்று எலியாவை போஷித்தவர் - இன்று

உன் பசி ஆற்றிடாரோ - கலங்காதே

2. பெரும் நோய்தனில் கலங்கிடாதே

பாசத்தால் உன்னை சோதிப்பாரே

திமிர் வாதத்தால் அசைவற்றவன் - தேவ

தயவினால் நடக்கலையோ - கலங்காதே

3. தந்தை தாய் உன்னை வெறுத்திட்டாலும்

பந்த பாசங்கள் அறுந்திட்டாலும்

நிந்தை தாங்கிட்ட தேவன் உன்னை - சொந்த

கரங்களால் அணைத்துக் கொள்வார் - கலங்காதே

4. பிறர் வசை கூறி துன்புறுத்தி

இல்லாதது சொல்லும் போது

நீ மகிழ்ந்து களி கூறு

விண் கைமாறு மிகுதியாகும் - கலங்காதே

5. தேவன் கைகளும் குறுகிடாதே

தேவ வாக்குகள் மாறிடாதே

கண்கள் தூங்காது தினம் காத்திடும்

கர்த்தர் ஒருபோதும் கைவிடாரே - கலங்காதே