மகிமையின் நம்பிக்கையே மாறிடாத

மகிமையின் நம்பிக்கையே

மாறிடாத என் இயேசையா

உம்மையல்லோ பற்றிக்கொண்டேன்

உலகத்தில் வெற்றி கொண்டேன் - 2

துதித்து துதித்து மகிழ்ந்து புகழ்ந்து

தூயவர் உம்மை நான் பாடுவேன்

1. ஆத்துமாவின் நங்கூரமே

அழிவில்லா பெட்டகமே - 2

நேற்றும் இன்றும் ஜீவிக்கின்ற

நிம்மதியின் கன்மலையே - 2 - துதித்து

2. பள்ளத்தாக்கில் நடந்தாலும்

பயமில்லை பாதிப்பில்லை - 2

உம் குரலோ கேட்குதையா

உள்ளமெல்லாம் அன்பால் பொங்குதையா - 2 - துதித்து

3. நல் மேய்ப்பரே நம்பிக்கையே

நானும் உந்தன் ஆட்டுக்குட்டி - 2

உம்மைத் தானே பின் தொடர்ந்தேன்

உம் தோளில் தான் நானிருப்பேன் - 2 - துதித்து

4. பிரகாசிக்கும் பேரொளியே

விடிவெள்ளி நட்சத்திரமே - 2

உம் வசனம் ஏந்திக் கொண்டு

உலகெங்கும் சுடர்விடுவேன் - 2 - துதித்து

- பெர்க்மான்ஸ்

Tamil Christian Songs