மகிமையின் தேவனை பணிந்திடுவோம்

மகிமையின் தேவனை பணிந்திடுவோம்

மகிழ்வுடன் நிதமே துதித்தே

கனிவுடன் பணிவுடன்

வணங்கி நாமே ஆர்ப்பரிப்போம்

1. வாசல்களில் நல் துதியுடனே

புகழ்ந்து பாடி வணங்கிடுவோம் - 2

மகிபனை வல்லவரே

மகிழ்ந்து நாமே துதித்திடுவோம் - 2 - மகிமையின்

2. நன்றியுடன் உம் சந்நிதியில்

நன்மை யாவும் உணர்ந்திடுவோம் - 2

உத்தமமாய் உண்மையுடன்

என்றென்றும் நாமே துதித்திடுவோம் - 2 - மகிமையின்

3. செடிதனையாம் நம் இயேசுவிலே

நிலைத்திருந்து வளர்ந்திடுவோம் - 2

நற்கனியால் நிறைந்துமே

இரட்சகரை நாம் உயர்த்திடுவோம் - 2 - மகிமையின்

4. வானவரை நம் தேவனையே

நாவில் துதித்து மகிழ்ந்திடுவோம் - 2

என்றுமவர் மாறாதவர்

துதிகள் சாற்றி ஆர்ப்பரிப்போம் - 2 - மகிமையின்

5. மகிமையுடன் நம் இயேசுதாமே

வானில் இறங்கி வந்திடுவார் - 2

விழிப்புடன் ஜீவியத்துமே

ஆனந்தமாய் நாம் ஆர்ப்பரிப்போம் - 2 - மகிமையின்

Tamil Christian Songs