ஜீவ ஒளியிற் போகிறேன்

414.

1.         ஜீவ ஒளியிற் போகிறேன்

            போகிறேன், நான் போகிறேன்;

            மீட்பர் நடந்த பாதையில்

            போகிறேன், நான் போகிறேன்.

                        ஓர் வெண்ணங்கி, ஓர் பொன்முடி

                        ஓர் வாத்தியம், ஓர் மேல்வீடு

                        ஓர் செயக்கொடி, ஓயா வின்பம்

                        எனக்குண்டு மோட்சத்தில்,

                        யேசு என் ரட்சகர்,

                        பாவந் தீர்த்தார்;

                        கல்வாரி மலையிலென் கடன் தீர்த்தார்

            அவரன்பில் நான் மூழ்கி

            என்றும் பாடுவேன்;

            மகிழ்வேன் ஜீவ ஊற்றில்

                        வாழ்வேன்.

2.         பாவிகள் நடுவில் போகிறேன்

            போகிறேன், நான் போகிறேன்;

            மீட்பர் பின் சென்றால் ஜெயமுண்டு

            போகிறேன், நான் போகிறேன்.

3.         வீண் பக்திக்காரர் நகைத்தாலும்

            போகிறேன், நான் போகிறேன்;

            பூரண அன்பு பயம் நீக்கும்,

            போகிறேன், நான் போகிறேன்.

4.         சிலுவைகொடியுடன் போகிறேன்

            போகிறேன், நான் போகிறேன்;

            மீட்பரின் நேசத்தைக் காட்ட நான்

            போகிறேன், நான் போகிறேன்.

5.         பரிசுத்தாவியால் நிறைந்து,

            போகிறேன், நான் போகிறேன்;

            மோட்சம் சேருமட்டும் நிலைத்து,

            போகிறேன், நான் போகிறேன்.