வியாதியஸ்தர் மாலையில்

24. Angelus                                                                           L.M.

"At even ere the sun was set"

1.         வியாதியஸ்தர் மாலையில்

            அவஸ்தையோடு வந்தாரே;

            தயாபரா, உம்மண்டையில்

            சர்வாங்க சொஸ்தம் பெற்றாரே.

2.         அவ்வாறிப்போதம் ஆவலாய்

            பாதாரவிந்தம் அண்டினோம்;

            ப்ரசன்னமாகித் தயவாய்க்

            கண்ணோக்குவீர் என்றறிவோம்.

3.         வியாதி சஞ்சலத்தினால்

            அநேகர் க்லேசமுற்றனர்;

            மெய்ப்பக்தி அன்பின் குறைவால்

            அநேகர் சோர்வடைந்தனர்.

4.         ப்ரபஞ்சம் வீண் என்றறிந்தும்;

            பற்றாசை பலர் கொண்டாரே;

            உற்றாரால் பலர் நொந்தாலும்,

            மெய்நேசர் உம்மைத் தேடாரே.

5.         மாசற்ற தூய தன்மையை

            பூரணமாய்ப் பெறாமையால்,

            எல்லோரும் சால துக்கத்தை

            அடைந்தோம் பாவப் பாசத்தால்.

6.         ஆ, க்றிஸ்துவே, மன்னுருவாய்

            மா துன்பம் நீரும் அடைந்தீர்;

            எப்பாடும் பாவமும் அன்பாய்

            ஆராய்ந்து பார்த்து அறிவீர்.

7.         உம் வார்த்தை இன்றும் பலிக்கும்

            நீர் தொட்டால் சொஸ்தம் ஆவோமே;

            ஆரோக்கியம் எல்லாருக்கும்

            இம் மாலை தாரும், இயேசுவே.