பூமியும் நிறைவும் உலகமும் அதிலுள்ள

385. இராகம்: சங்கராபரணம் ஆதி தாளம்

(சங்கீதம்: 24)

பல்லவி

பூமியும் நிறைவும் உலகமும் அதிலுள்ள

குடிகளும் கர்த்தருடையது.

சரணங்கள்

1. அவரே அதைக் கடல்களுக்கு மேலாக அஸ்திபாரப்படுத்தினார்,

அவரே அதை நதிகளுக்கு மேலாக ஸ்தாபித்தார் - பூமி

2. யார் கர்த்தருடைய பர்வதத்தில் ஏறுவான்?

யார் அவருடைய பரிசுத்த ஸ்தலத்தில் நிலைத்திருப்பான் - பூமி

3. கைகளில் சுத்தமுள்ளவனும் இதயத்தில் மாசில்லாதவனும்

மாயைக்கு ஒப்புக்கொடாமலும் கபடமாய் ஆணையிடாதவனே - பூமி

4. அவன் கர்த்தரால் ஆசீர்வாதத்தையும் பெறுவான்

தன் இரட்சிப்பின் தேவனால் நீதியையும் பெறுவான் - பூமி

Tamil Christian Songs