Tamil Christian Songs: பூமியின் மாந்தரீர் கூடிவாரீர்

17 July 2025

1. பூமியின் மாந்தரீர் கூடிவாரீர்

பூரித்தே பேரின்பமாய்ப் பாடி வாரீர் - 2

தேமிசைப் பாமலர் சூடிடுவீர் - 2

தேவனின் திருமுன்னே நாடிடுவீர்

2. நம்மையிங் காக்கியோன் ஓரிறையாம்

நாமவர் உடைமையாம் ஓர் நிறையாம் - 2

மெய்மையின் மேய்ச்சலின் செம்மறிநாம் - 2

மேவிநம் ஆயனை நாமறிவோம்

3. வாசலில் நன்றி கூர் உணர்வோடே

வாருங்கள் திருச்சுற்றில் துதியோடே - 2

நேசமாய் உளமெல்லாம் கனிந்தெழுந்தே - 2

நிறைபெயர் போற்றுங்கள் மலர்ந்துயர்ந்தே

4. ஆண்டவன் நன்மையின் மயமாவான்

ஆரருள் மாறாத நயமாவான் - 2

ஆண்டவன் பேருண்மை தலைமுறையாய் - 2

ஆண்டென்றும் தாங்கிடும் அருள் நிறைவாய்

- பேராசிரியர் V.P.K. சுந்தரம்

Tamil Christian Songs