கர்த்தரையே நம்பிடும் தேவ ஜனமே
கர்த்தரையே நம்பிடும் தேவ ஜனமே
கலங்காதே ஒருபோதும்
வெட்கமடைவதில்லை - 2
1. செங்கடல் கோரமாய் முன்னே நிற்கும்
சேனைகள் பின்னால் தொடர்ந்து வரும் - 2
ஆனாலும் முன்னேறிப் போ என்கிறாரே
அவரே ஓர் வழி திறந்திடுவாரே
திறந்திடுவாரே - கர்த்தரையே
2. கானானின் குடிகள் கொடியவரே
கானக பாதை கடினமாமே - 2
கடந்து பொய் நாம் அதை சுதந்தரிப்போமே
கர்த்தரே நமக்காய் யுத்தம் செய்வாரே
யுத்தம் செய்வாரே - கர்த்தரையே
3. பாகாலின் சீடர்கள் சவால் விட்டு
பதிலளியா தேவனை வேண்டுகின்றார் - 2
எலியாவின் தேவன் இறங்கி வந்தாரே
எரி நெருப்பால் இன்றும் பதிலளிப்பாரே
பதிலளிப்பாரே - கர்த்தரையே
4. உனக்கெதிராக ஆக்கிடுமாயுதம்
ஒருக்காலும் வாய்க்காமல் மறைந்திடுமே
உன்மேல் ஓர் யுத்தம் எழும்பினாலும்;
உன்னை இரட்சிக்கும் தேவன் உண்டு
தேவன் உண்டு - கர்த்தரையே
5. யாக்கோபின் கூட்டமே பயப்படாதே
ஈசாக்கின் தேவன் உன் துணையே
அன்னை தன் சேயை மறந்தாலுமே
ஆண்டவர் இயேசு அரவணைப்பாரே
அரவணைப்பாரே - கர்த்தரையே
6. சீயோனே உந்தன் பாடுகளெல்லாம்
சிலகாலம் என்று நினைத்தே பாடு
சீக்கிரம் வருவார் சேர்த்திட உன்னை
பாக்கியமடைவாய் பரலோக வாழ்வில்
பரலோக வாழ்வில் - கர்த்தரையே
- Eva. Natraja Mudaliar
Comments
Post a Comment