பாரீர் அருணோதயம் போல்

பாரீர் அருணோதயம் போல்

உதித்து வரும் இவர் யாரோ

முகம் சூரியன் போல் பிரகாசம்

சத்தம் பெரு வெள்ள இரைச்சல் போலே

இயேசுவே ஆத்ம நேசரே

சாரோனின் ரோஜாவும் லீலி புஷ்பமும்

பதினாயிரங்களில் சிறந்தோர் - ஆ

1. காட்டு மரங்களில் கிச்சிலி போல்

எந்தன் நேசர் அதோ நிற்கிறார்

நாமம் ஊற்றுண்ட பரிமளமே

இன்பம் ரசத்திலும் அதி மதுரம் - இயேசுவே

2. அவர் இடது கை என் தலை கீழ்

வலக்கரத்தாலே தாங்குகிறார்

அவர் நேசத்தால் சோகமானேன்

என் மேல் பறந்த கொடி நேசமே - இயேசுவே

3. என் பிரியமே ரூபவதி

என அழைத்திடும் இன்ப சத்தம்

கேட்டு அவர் பின்னே ஓடிடுவேன்

அவர் சமூகத்தில் மகிழ்ந்திடுவேன் - இயேசுவே

4. என் நேசர் என்னுடையவரே

அவர் மார்பினின் சாய்ந்திடுவேன்

மணவாளியே வா என்பாரே

நான் செல்வேன் அந்நேரமே - இயேசுவே

5. நாம் மகிழ்ந்து துதித்திடுவோம்

ஆட்டுக்குட்டியின் மணநாளிலே

சுத்தப் பிரகாச ஆடையோடே

பறந்திடுவோம் நாம் மேகத்திலே - இயேசுவே

Tamil Christian Songs