நம்பவேண்டாம் உலகை நம்பவேண்டாம்

மேலும் அதிக பாடல்களுக்கு

 

 

 

 

 

 

334. இராகம்: பைரவி                              ஆதி தாளம்

 

                             பல்லவி

 

          நம்பவேண்டாம்; உலகை நம்பவேண்டாம்

 

                             அனுபல்லவி

 

          நம்பவேண்டாம், இவ்வுலகம் யாவும் விழல்[1] என்று சால்மோன்

            செம்மையாய் அறிந்துரைத்தான்; இம்மையில் உழன்றுழன்று - நம்ப

 

                             சரணங்கள்

 

1.         மன்னர் மகுடரும் பால சின்னவரும் ஓர் நமிஷம்

            தன்னிலே அழிவதல்லால் பின் வழக்கே தொன்றுமில்லை - நம்ப

 

2.         காயத்தைப்[2] பிரிந்த துன்னுயிர் ஏகி, ஒரு நாள் இருந்தால்;

            நேய சுற்றம், மக்கள், பெண்டீர் மாயமாய் அகன்று நிற்பார் - நம்ப

 

3.         பிள்ளை இடு காடு மட்டும், பெண்கொடியாள் வாசல் மட்டும்;

            தெள்ளிய அன்பர் பொருள் கைக்குள்ள நாளளவு மட்டும் - நம்ப

 

4.         ஆசையாய்க் கருத்தில் உன்தன் ஏசுவைப் பதித்து நிதம்

            ஓசையாய் ஜெபித்து வந்தால், மோசம் இல்லை, வேறெதையும் - நம்ப

 

- சத்தியநாதன் உபதேசியார்

 

 

 

 

 

கிறிஸ்தவ பாடல் தொகுப்பு

 

PDF பாடல் புத்தகங்கள் பதிவிறக்கம்

 

---

[1] விழல்

[2] உடல்