மத்திய பானத்தில் மிக நித்தியம்

மேலும் அதிக பாடல்களுக்கு

 

 

 

 

 

 

370. இராகம்: கல்யாணி                  அடதாள சாப்பு (495)

 

                             பல்லவி

 

          மத்திய[1] பானத்தில் மிக நித்தியம் கருத்து வைக்கும் மானிடரே கேளீர்

 

                             அனுபல்லவி

 

            புத்தி மழுங்கவும் நும் புகழ் அழிந்திடவுமே

            சித்தம் உமக்குண்டானால் தெளிந்து குடியும்; சும்மா - மத்திய

 

                             சரணங்கள்

 

1.         பாம்பை மடியில் வைப்பாரோ? பழகினாலும்

            பயம் இன்றி அதை மொய்ப்பாரோ?

            வேம்பு கசப்பில், என்பரோ?-மதுக் குடிக்க

            விரும்பு கின்றீர், நல்லதோ?

            நாம் பிசகோம் என்றும், நடந்து திரிவோம், என்றும்

            வீம்புகள் சொல்வதேன்? விழுவீர், விழுவீர்; காணும் - மத்திய

 

2.         கைப் பொருள் இழந்திடவும்-புதல்வரொடு

            காதலி[2] அழிந்திடவும்

            மெய்ப் பொருள் மறைந்திடவும் எரிநரகில்

            வீழ்ந்ததில் உறைந்திடவும்

            தற்பரன் அருள் இங்குதான் இழக்கவும் வேண்டில்,

            எப்படியும் குடியும் இளைத்துச் சுணங்கிக்கொண்டு - மத்திய

 

3.         சற்றும் விருப்பம் வேண்டாம்-மதுவில், அது

            சதித்துக் கெடுத்து விடுமே;

            முற்றும் இயேசுபரன் மேல்-உரிமையாக

            முழுதும் அன்படைந் தவரைப்

            பற்றி விசுவாசித்து; பரகதிக்[3] காளாக

            உற்ற மதுக் குடியை உடனே விடுதல் நன்றே - மத்திய

 

­- ஜாண் பால்மர்

 

 

 

 

 

 

கிறிஸ்தவ பாடல் தொகுப்பு

 

PDF பாடல் புத்தகங்கள் பதிவிறக்கம்

---

[1] மதுபானம்

[2] மனைவி

[3] மோட்சம்