உள்ளத்தை உமக்கென்று திறந்தே

பல்லவி

                   உள்ளத்தை உமக்கென்று திறந்தே - ஜெப

                        உறவாலே உரையாடி மகிழ்வேன்

1.         விருப்பங்கள் நிறைவேற வேண்டும் - என்று

            வீணான வேண்டல்கள் செய்யேன்

            வருத்தங்கள் மறைந்தோடச் செய்யும் - என்ற

            விதமாக மன்றாடேன் என்றும்

2.         நீர் பேசும் நான் கேட்பேன் என்பேன் - எனது

            நெஞ்சத்தில் உம்வார்த்தை கொள்வேன்

            சீரான உம் சித்தம் கண்டே - அதைச்

            செய்தென்றும் உமைச்சார்ந்து வாழ்வேன்

3.         பிறருக்காய் வேண்டல்கள் புரிவேன் - உலகின்

            பலமாந்தர் நலமொன்றே நினைவேன்

            இறைவா நீர் என்வேண்டல் கேளும் - என்றும்

            என்மீட்பர் கிறிஸ்தேசு மூலம்