இயேசு தேவனைத் துதித்திடுவோம்

இயேசு தேவனைத் துதித்திடுவோம்

இயேசு ராஜனை வாழ்த்திடுவோம்

இதயம் பொங்க நன்றியுடனே

போற்றி உயர்த்தி பணிந்திடுவோம்

1. வார்த்தை வடிவாய் வந்தவரை

வாதை பிணியை தீர்த்தவரை

கண்ணின் மணிபோல் காத்த தயவை

கருணை உருவைத் துதித்திடுவோம் - இயேசு

2. அடிமை ரூபம் எடுத்தவரை

அகிலம் பணிந்திட செய்தவரை

உயர்ந்த நாமம் பெற்று விளங்கும்

உன்னதர் அவரைப் போற்றிடுவோம் - இயேசு

3. இருளை நீக்கும் மாஜோதியாய்

உலகில் வந்த அருள் வடிவை

ஜீவ ஒளியாய் திகழும் அவரை

இன்றும் என்றும் துதித்திடுவோம் - இயேசு

4. தேவ தன்மையை வெளிப்படுத்த

தேவ மைந்தனாய் வந்தவரை

தேவ சுதராய் நாமும் விளங்க

கிருபை உருவைத் துதித்திடுவோம் - இயேசு

5. பாவ சாப மரணமதை

ஜெயித்து வென்று எழுந்தவரை

மகிமை சூழ திரும்பி வந்திடும்

வேந்தன் அவரைத் துதித்திடுவோம் - இயேசு

Tamil Christian Songs