Tamil Christian Songs: எந்த நேரமும் எப்போதுமே

06 February 2023

எந்த நேரமும் எப்போதுமே

இயேசு எனக்கு ஒத்தாசை

இயேசு ராஜனை ஸ்தோத்தரிப்பேன்

இந்த ஏழையின் ஜெபம் கேட்டார்

1. இக்கட்டில் மனிதர் உதவி

இல்லாமலே அற்றுப் போனாலும்

எனக்கொத்தாசையே தினம் தப்பாமலே

இயேசு நாமத்தில் கிடைத்திடுமே-2

2. சொல்லொண்ணா பாடுகள் சகிக்க

சென்ற காலம் பெலன் தந்தாரே

எந்தன் வாழ்நாளெல்லாம்

தேவ சித்தமெல்லாம்

என்னில் முற்றிலும் நிறைவேறுமே-2

3. சிறுமைப்பட்டோரின் நம்பிக்கை

ஒரு போதும் கெட்டுப் போகாதே

தம்மைத் தேடுவோரை கர்த்தர் கைவிடாரே

தேவன் நமக்கு அடைக்கலமே-2

4. ஒவ்வொரு ஆண்டு முழுவதும்

எவ்வளவோ அற்புதம் செய்தார்

வருங்காலத்திலும் வருகை வரையும்

வாக்குத்தத்தம் தந்து நடத்துவார்-2

Tamil Christian Songs